মোৰ সোণালী সপোনৰ নাম আঘোণ
সোণগুটি বুটলি চহা জীৱনটোক
সোণসেৰীয়া কৰা এটি নাম আঘোণ
পিতাইৰ সপোনৰ পৃথিৱীখনত
সৃষ্টিৰ বীজ সিঁচি সোণোৱালী কৰা
আইৰ হেঁপাহৰ এটি পলৰ নাম আঘোণ
শৈশৱে ৰিঙিয়াই মতা এডৰা নৰা
চেঁচু খান্দি আলফুল সময়বোৰৰ স’তে ওমলা
গৰুৰ খোজত ধূলি উৰোওৱা
সেই মধুৰতম ক্ষণটোৰ নাম আঘোণ
ৰবাব এটাৰ স’তে মনৰ কথা পাতি
প্ৰিয়জনৰ কাষত অলপ বহি
সৃষ্টি কৰা সুগন্ধিময় পৰিৱেশ এটাৰ নাম আঘোণ
শামুকৰ খোলাৰ ভিতৰত কুচিমুচিকৈ সোমাই
সেওতা দুফাল কৰি বুকু উদঙাই
লেছেৰি বুটলি চলাথ কৰা সময়ৰ নাম আঘোণ
মোৰ অতি আদৰৰ আঘোণ।
❧ | আৰু পঢ়ক:
- নিৰৱধি, সেই তোমাৰ গান
- আঘোণৰ লেণ্ডস্কেপ
- আঘোণৰ পথাৰত পকাধানে ৰিঙিয়ায়
- গীতৰ আঁৰৰ গদ্য: শৰতৰ শেৱালিৰ নতুন নিয়ৰে
- মেঘমুক্ত আকাশ
অসমীয়া বানান শুধৰণি সঁজুলি
এতিয়াই ব্যৱহাৰ কৰক
