সেমেকা সুগন্ধ এটা উৰি আহি
নাকৰ কাষে কাষে ঘূৰি ফুৰিছে
ভেনামাখিৰ জাক এটাৰ ভেনভেননিত
মজিয়াখন আচহুৱা হৈ উঠিছে
পদূলি শুঙা কুকুৰবোৰে ভুকিছে
অন্য এটা পখৰা কুকুৰক দেখি
পিৰালি আঁচুৰি বখলা বখলে
এৰুৱাইছে মাটি
বগা কাপোৰৰ মাজত লুকাই
ডাঙৰীয়াবোৰে ঘৰলৈ বাট বুলিছে
কণপিতৌৱে কোবাকুবিকৈ কুকৈৰ পৰা
কেৰাচিন তেলৰ বটল এটা আনিছে
পক্ষীৰ কাকলিত চুবুৰিটোৱে জীৰাইছে
দূৰৈৰ বাঁহীৰ সুৰত শিশুহঁতৰ ওঁঠত
শান্তিৰ প্ৰাৰ্থনাবোৰে উমলিছে
এখন পৃথিৱী আমাৰ বুলি কোনোবাই চিঞৰিছে
কুমটিয়ে ধৰণীৰ বাকলি গুচাই
সীতাক বিচাৰি চলাথ কৰিছে
টোকাৰিত গীতৰ লহৰ তুলি
জপনা খুলি গধূলি সোমাই আহিছে
❧ | অধিক কবিতা:
অসমীয়া বানান শুধৰণি সঁজুলি
এতিয়াই ব্যৱহাৰ কৰক
