মহিয়সী কুশলে আছানে

ব্যস্ত এজাক সপোন
জীৱনৰ ৰং বোলোৱাত—
ৰঙা, নীলা, সেউজীয়া
বগাবোৰ প্ৰিয়, সত্য।

তিমিৰাচ্ছন্ন দিনবোৰ
শৰতৰ শুকুলা মেঘে
পাহৰাই তুলিব…
শব্দবোৰে শৃংখল সাজি
আকাশত উৰিব…

কোঠালিয়ে, পেণ্ডেলে
ৰং তুলিকা লৈ
নগ্ন মূৰ্তিক
জীপাল কৰাৰ আখৰা।

আকাশত ৰঙ ঢালি
মৌ চুহিব খোজা
পখিলাৰ দৰে
এজাক সপোন উৰে।

নিয়ৰ টোপালে
কথা ক’ব খোজে—
মহিয়সী কুশলে আছানে তুমি?

❧ | আৰু পঢ়ক:

• এই যেন আহিবা শৰৎ চুবলৈ
• শাৰদীয়া
• দুপৰীয়া বৰষুণ দি আছিল
• স্ৰষ্টা-বন্দনা
• সপোন এনেকুৱাই

ছবি: Debnathsonu1996, CC BY-SA 4.0 via Wikimedia Commons

Follow Nilacharai on Twitter

অসমীয়া বানান শুধৰণি সঁজুলি

এতিয়াই ব্যৱহাৰ কৰক